Kaixo familia:
Eskola Agenda 21en barruan aurten landuko dugun gaia “Baserria eta Nekazal Kultura” izango
da.
Azken hamarkadetako garapen industrialak nekazal
eremua guztiz eraldatu duela argi dago, profesionalki nekazaritzara dedikatzen
diren pertsona kopurua asko murriztuz.
Industrializazio eta urbanizazio prozesu hauen
ondorioz gaur egungo gizartea nekazal munduari bizkarra emanez bizi dela esan
daiteke.
Hala ere, oraindik ere baserri eta landa eremuetan
nekazal jarduera minimo bat aurki daiteke, gehienetan autokontsumorako eta
komertzializazio lokal batetara bideratuak, eta kasu gehienetan sektore
industrialaren aktibitatearen osagarri gisa.
Horregatik behar beharrezkoa ikusten da sektore honek
merezi duen garrantzia azpimarratzea gizartean, bereziki kasu honetan
ikastetxeetan. Tokiko nekazal ekoizpena eta elikadura sistema jasangarriago
baten alde egiteko asmoz.
Proiektu honetan ikas
komunitate osoaren partaidetza oso garrantzitsua denez, etxean ere gai honen
inguruan hausnartzea garrantzitsua ikusten dugu. Horretaz gain, gai honen
inguruan proposamenen bat izango bazenute eskolako helbide elektronikora idatzi
dezakezue.
Mila esker eta laster arte
